Cwmni bychan gyda gweledigaeth fawr yw Fiction
Factory. Mae gyda ni enw da am gyflwyno dramâu teledu arloesol, a
'dyn ni wedi ennill amrywiaeth o wobrwyon dros y blynyddoedd.
Ed Thomas, Cyfarwyddwr Creadigol Fiction
Factory sy'n arwain tîm nodedig o gynhyrchwyr profiadol a thalent
newydd. Dros y pum mlynedd diwethaf 'dyn ni wedi cynhyrchu dros 100
awr o raglenni, yn cynnwys rhaglenni dogfen, dramâu dogfen a dros
90 awr o ddrama. Mae ganddo ni dros 70 o enwebiadau a gwobrwyon i'n
henw, o BAFTA Cymru, Celtic Media Festival i'r Rose D'Or Prix
Europa.
Ers sefydlu'r cwmni bymtheg mlynedd yn ôl, ry'n ni wedi
datblygu ac annog talent newydd Cymraeg ac wedi parhau ein
perthynas agos gyda nhw. Dros y blynyddoedd mae'n cydweithwyr wedi
cynnwys wynebau cyfarwydd megis Matthew Rhys (Brothers &
Sisters, The Edge of Love) Rhys Ifans (Mr. Nice, Harry
Potter) Ioan Gruffydd (Fantastic Four, Hornblower) Sian Phillips, y
diweddar Phillip Madoc, Mark Lewis Jones, Dafydd Ieuan a Cian
Ciaran o Super Furry Animals, John Cale, Cerys Matthews a Marc
Evans (My Little Eye, Collision).
Mae ein henw da wedi esblygu gyda'n cynnyrch. Mae ein
repertoire o raglenni yn cynnwys pob math o genre o ddrama
ffantasi, 'gangland' i ddrama heddlu dwys. O ddrama gyfoes am
berthnasau yn y ddinas i siwrne epig drwy draddodiad barddol hynaf
Ewrop. Ry'n ni wedi profi droeon ein gallu i gyflwyno cyfresi o
safon uchel gyda gweledigaeth anferth.
Drama yw'r hyn sy'n ein cyffroi ni. Ein ymrwymiad i'n gwaith a'n
awch i gyflawni gwaith o'r radd flaenaf yw'r hyn sy'n ein codi
o'r gwely pob bore. 'Dy ni wastad yn chwilio am y sialens
nesaf ac am dalent newydd a pherthnasau cyffrous bydd yn helpu'r
cwmni i esblygu.
Ers 2002 mae Fiction Factory wedi bod yn rhan o grŵp Tinopolis, un
o prif gwmnïau cyfryngau annibynnol Prydain. Maent yn cynhyrchu
2500 awr o raglenni y flwyddyn sy'n cael eu dosbarthu i dros 200 o
ddarlledwyr rhyngwladol. Mae aelodau eraill grŵp Tinopolis yn
cynnwys y cynhyrchwyr chwaraeon llewyrchus, Sunset and Vine,
y cynyrchwr dramâu dogfen, Daybreak a'r cynhyrchwyr dogfen, Mentorn
Media